Det går mot vinter

Året er no så langt kome at klimaet og naturen liksom står og vippar
mellom sein haust og tidleg vinter. Vi har alt hatt rim-netter i hagen på
Geitmyra, men dei fleste plantene overlevde streifet av frost og veks
fortsatt - sakte.

Det er litt arbeid att -

Vi bør hauste potet, jordskokk, rotselleri, grønnkål, dill, rødbete og
pepperrot. Det er tilogmed ei gulrot der! (..og det gjekk med mange fine
økologiske gulerotfrø for å få avla fram den!). Epletreet i det eine
hjørnet har fortsatt ein del frukt på seg. Det er fortsatt opphakka
greiner omkring i skolehagen som vi kan hente og bruke til jorddekking
eller kompost.

Vi har hatt diverse dugnads-dagar og variert innsats, grilling og kos. For
meg personleg er det og verdt å minnast den dagen nær 50 4.-klassingar frå
Ila fekk smaken på brennesle-te i kjøkkenet i det vesle raude huset. Det
var moro, ja.. :-)

Hagen bidrog og til opplesing torsdagen før haustferien, da eg var i 2.
klasse på Ila og las ei kort novelle om unger i potetåkeren - med
potetplante og poteter frå Geitmyra som illustrasjon.

Ellers kan vi melde at vi nyleg hadde ein fantastisk graskarmiddag (suppe
og pai) med barne-gjester som var opp i under over at mat av graskar kunne
bli så godt :-). Eit Geitmyra- og eit kjøpegraskar står ute med te-lys
inni og er klare for Halloween.

(Inspirert av denne suppa, blir det graskar-suppe når vi den 27. november
skal ha fest på sang-, eventyr- og teatergruppa for barn i Bygdø allé 13.
Alle interesserte er velkomne dit kl. 16 for suppe, barneteater og
-opplesing!).

Eg kom i skade for å sukke litt over her, over alle gulrotfrøa som ikkje
ga oss avling. Det er alt for lett å henge seg opp i det som ikkje har
gått bra -

så da er det nyttig å minne seg på alt hagen i løpet av dette året faktisk
har servert oss..

Grønnkål
Rødbeter
Poteter
Gulrot
Graskar
Jordbær
Jordskokk
Rabarbra
Mynte
Graslauk
Persille
Plukk-salat
Reddik
Sukkererter
Rotselleri
Chungiku
Dill
Tomat
Pepperrot
Spansk kjørvel
Lauk
Sitronmelisse
Borago
Epler
Løpstikke
Brennesle (!)

I tillegg har vi jo hatt glede av tagetes, solsikke, valurt, kvann og
andre som vi ikkje åt. Det er jo slett ikkje verst, eller?!!

Så da er det berre å følge med på forestillinga regissør Årstid og
dramaturg Klima framfører - og glede seg til hage-arbeid neste år!