Lørdag 2. november hadde vi 11 ungar (3-4 år) frå den japanske skolen i Oslo i potetåkeren. Ungane plukka poteter og meitemark, og hadde til sist stor glede av å kaste halm utover åkeren og på kvarandre. Så toga vi ned til kjøkkenet i det raude huset for å ha potet-fest med bakte poteter m/ smør, tunfisk-majones-mais, ost og tortilla-chips (det var ikkje bakt potet frå åkeren vår - vi måtte Espelid Hovig-"jukse" litt og bakte kjøpepotet. Alle fekk derimot lokale poteter med seg til heimebruk.)
Det synte seg at opptil fleire av småungene hadde planlagt å adoptere meitemark som kjæledyr og knapt ville sleppe markene ut av hendene da vi skulle vaske hender før maten.. ;-)
Dagen etter hadde vi sjølve og Geitmyra-poteter til middag. Nesten like gode som i fjor, litt større avling - men for mange grøne. Mea culpa. Må hyppe skikkeleg neste år..
